Constituída por estes barrios: O Campo, Os Carballás, A Casadedra, A Casanova, Os Currás, O Feal, A Fraguela, O Lodeiro, As Pedregosas, A Pedreira, A Pena, O Picoucelo, A Silveira Vella e Vilacide.
Arquitectura Relixiosa
Igrexa Parroquial. Reconstruída recentemente. Ten o retablo maior neoclásico, con esculturas de San Miguel (titular), San Antón de Papua e Santa Baia (s. XIX) e San Xoán Evangelista (s. XVIII). Os retablos dereito e esquerdo teñen columnas salomónicas, este último con esculturas da Dolorosa, Santa Lucía e Ecce Homo (s. XVIII). Cruz parroquial de prata con releve da Concepción (s. XVII).
Capela da Pena. Construcción de finais do s. XIX. Ten planta rectangular e está cuberta de madeira con dúas vertentes; os muros son de pedra e o tellado de lousa. O retablo é neoclásico de finais do s. XIX con esculturas de Santa Filomena (titular), San Sebastián e Nosa Señora (repintados no s. XIX).
Megalitismos
Existen varias medoñas en Vilacide.
Cruceiros
Hai cruceiros en As Pedregosas, O Picoucelo, Adro e A Pena. |
|
