A partir de marzo de 2010 iniciaranse novos cursos de formación promovidos polo Concello de Xermade.

 O primeiro deles, Aplicacións informáticas de oficina, desenvolverase en días e horarios diferentes para que os interesados e interesadas podan elixir entre as dúas alternativas a que lles veña mellor. Neste curso intentarase profundizar nos principais programas de xestión que se utilizan a diario nas empresas, uso da sinatura electrónica e xestións que se poden realizar por Internet. Este curso vai destinado a todas aquelas persoas que xa teñan un coñecemento básico dos programas e queiran profundizar no uso deles, sempre desde un punto de vista práctico de cara ao traballo diario dunha empresa.

 

O segundo dos cursos, Internet segura-navegación reponsable,  que comezará no mes abril, ten como obxectivo evitar os riscos do uso inseguro de internet por parte dos nenos e nenas. As nais e pais con fillos conectados á Rede recoñecen a súa responsabilidade sobre protexer aos seus fillos destes perigos, pero admiten que a supervisión é difícil porque non saben onde buscar os recursos necesarios. Neste curso, enfocado tanto a nais e pais como para os nenos e nenas, tratarase acerca da seguridade «online» e da necesidade de establecer regras por parte dos pais e nais sobre o uso que os seus fillos deben ter de internet.

Ámbolos cursos desenvolveranse ata o mes de xuño. Os dous son gratuítos e terán lugar na Aula de informática da antiga Cámara Agraria de Xermade. As prazas son limitadas e asignaranse por orde de inscrición.

As inscricións deben de realizarse no Concello de Xermade en horario de 9 a 14 horas.